Тәтеш көллиятендә Ватанны саклаучылар һәм остазларны котладылар
2023 елның 21 февралендә, Ватанны саклаучылар көне алдыннан һәм Педагог һәм остаз елы уңаеннан, Тәтеш дәүләт гражданлык яклау көллиятендә студентлар һәм педагоглар тарафыннан әзерләнгән патриотик җыр конкурсының гала-концерты узды.
Ватан - безнең әтиләр җире, туган йорт... Ватан - ул безнең ил, Ватаныбыз. Ватан - ул сыгылмас холыклы, сугышчан рухлы кешеләр. Безнең чиксез Ватаныбызда геройларны беркайчан да онытмыйлар, нинди шартларда да бирешмиләр, яхшы кешеләрне хөрмәт итәләр. Концертта катнашучылар кадерле остазлар һәм Ватанны саклаучылар, егетләр һәм ир-атларга, курсантларга, укытучыларга, хезмәткәрләргә укуда һәм эштә төп бурычларны гамәлгә ашыруда уңышлар теләделәр.
Концерт программасындапризерлар һәм җиңүчеләр чыгыш ясады. Алар Бөек Ватан сугышы елларында сугышчыларның рухын ныгыткан, бүгенге каһарманнарны данлаган, үз иленә мәхәббәтен, кешелек хисләрен данлаган әсәрләрне башкардылар.Ватанга хезмәт итү - димәк, халкыбызның тыныч тормышын , үз илеңнең намусын һәм абруен саклау. Шулай булгач, Ватаныбызның тормышы бәхетле , күк йөзе һәрвакыт якты булсын һәм бары тик яхшы, күңелле җырлар яңгырап торсын.
Моннан тыш, педагогларны тәбрикләү ТИСБИ, Казан төзелеш көллияте, Г.Тукай исемендәге Арча педагогика көллиятендә дә үтте.