Мәктәп хорлары арасында хор музыкасы конкурс-фестивале Яр Чаллыда узды

2023 елның 2 марты, пәнҗешәмбе

Яр Чаллыда “Җырчы Чаллы” гомуми белем бирү мәктәпләрендә укучылар арасында хор музыкасы конкурс - фестивале узды. Быел ул  7 нче тапкыр үткәрелде.

Гала-концертта җиңүчеләр һәм призёрлар катнашты. Традиция буенча концерт Россия һәм Татарстан гимннары  белән башланды. Концертта конкурсантлар белән беррәттән “Җырлы йөрәкләр” мәгариф идарәсе ветераннары хоры һәм 7 нче балалар сәнгать мәктәбенең “Эксклюзив” малайлар хоры чыгыш ясады.