Сергей Кравцов: Остаз вазыйфасын быел ук канунда беркетергә планлаштырыла
Осталык бүген норматив документларда беркетелүне таләп итә. Мондый функцияләрне үтәүчеләрнең хезмәт кенәгәсе дә булсын һәм алар өстәмә хезмәт хакы алсын өчен. Моның өчен һөнәри квалификациядә нәкъ менә остаз вазифасын кертергә кирәк. Без моны һичшиксез эшләячәкбез, - диде Кравцов.
Министрның Чечен Республикасына визиты вакытында укытучылар бөтен Россия остазлар ассоциациясен төзергә тәкъдим иттеләр, анда илнең төрле төбәкләреннән экспертлар тәҗрибә алмаша алачак.
Педагог һәм остаз елына багышланган агарту марафоны вакытында башка кызыклы тәкъдимнәр дә яңгырады. Мәсәлән, Мәскәүнең "Покровский квартал" мәктәбе директоры Павел Терехов фикеренчә, "Мәгариф флагманнары", "Ел укытучысы" һәм башкалар регионнар өчен кадрлар резервын формалаштыру өчен "копилка" булырга тиеш.
Дөрес тәкъдим. Мәктәпләрдә җитәкче вазифаларга профессионаллар килсен иде, дип хуплады министр. Минемчә, мәгариф җитәкчесе , барыннан да элек укытучы, балаларны яратучы һәм яхшы белүче кеше. Ә менә Елена Дудка, Орск педкөллиятендә психология укытучысы, мәктәп турында күбрәк яхшы сәнгать фильмнарын төшерергә кирәк ди. Акыллы, тәҗрибәле педагогларны гына түгел, уңышка омтылган яшь укытучыларны да күрсәтергә тәкъдим итә.
Сүз уңаеннан, Елена Дудка үзе - илдәге иң зур педагогик династияләрнең берсе, аларның гомуми «гаилә» стажы -756 ел.