Татарстанның ышаныч телефоны илдә иң яхшыларның берсе дип танылды
Шушы көннәрдә онлайн-форматта авыр тормыш хәлендә калган балаларга ярдәм итү фондының Бөтенроссия конференциясе узды. Анда 8 800 2000 122 балалар ышаныч телефоны буенча ашыгыч психологик ярдәм алу мөмкинлеге турында балаларга һәм ата-аналарга мәгълүмат җиткерүнең нәтиҗәле механизмнары каралды.
Конференция кысаларында “Ышаныч марафоны- 2023 ” Бөтенроссия ирекле онлайн-акциясе лидерлары игълан ителде. Акциядә Россия Федерациясенең 85 субъектыннан 126 мең кеше катнашты, шуларның 97 меңнән артыгы - балалар ирекле корпусы.
Татарстан командасы лидерларның берсе булды. “Ышаныч марафоны- 2023” үткәрүнең максаты балалар һәм ата-аналарның балалар ышаныч телефоны буенча (8 800 200 122) ашыгыч психологик ярдәм алу мөмкинлеге турында мәгълүматын арттыру. 2023 елның беренче кварталында Татарстанда балалар ышаныч телефонына 5 мең тапкыр шалтыратканнар , бу узган елның шул ук чоры белән чагыштырганда 1 меңгә диярлек күбрәк.