2025 елда Россия югары уку йортлары массакүләм рәвештә яңа мәгариф системасына күчә башлаячак

2023 елның 24 мае, чәршәмбе

Бу хакта "Россия 1" телеканалы эфирында РФ Мәгариф һәм фән министрлыгы башлыгы Валерий Фальков сөйләде.

"Проект өч елга исәпләнгән. 2023-2024 еллар төп еллар булачак. 2026 елда ул тәмамлана. Минем уйлавымча, массакүләм күчеш - ул 2025 ел ", - дип уртаклашты министр.

Исегезгә төшерәбез, моның алдыннан - 2023-2024 елларда - Россия Президенты Владимир Путин указы буенча югары белем дәрәҗәләрен үзгәртү буенча пилот проекты старт ала. Ул берничә Мәскәү һәм төбәк югары уку йортларында гамәлгә ашырылачак.