Татарстанның Тукай районында илкүләм проект буенча мәктәп төзелешен төгәлләделәр

2023 елның 14 августы, дүшәмбе

Тукай муниципаль районының Шилнәбаш авылында 100 укучыга исәпләнгән мәктәптә  төзелеш-монтаж эшләре төгәлләнгән. Мәктәп өчен  кирәкле әйберләр, уку кабинетларында җиһазлар урнаштырылган. Төзүчеләр шулай ук тирә-юньне төзекләндергәннәр.

Авылда  гомуми мәйданы 2 790,98 кв.м. булган  өч катлы  яңа мәгариф учреждениесе "Заманча мәктәп" федераль программасы кысаларында төзелгән.  

Республикада 2023 елда  «Мәгариф» илкүләм  проекты кысаларында  9 мәктәп төзелеше каралган.