Казан укучылары “Күн туп” Бөтенроссия ярышлары финалында көмеш медаль яуладылар

2023 елның 21 сентябре, пәнҗешәмбе

179 нчы Казан гимназиясенең  «Сандугач» командасы яшь футболчыларның «Күн туп» Бөтенроссия ярышлары финалында икенче урынны алды. Ярышлар 12-19 сентябрьдә Волгоград өлкәсендә узды.

Казанлылар 2010-2011 елларда  туган малайлар төркемендә көмеш медаль яулады. Ә Артем Зуев турнирның иң яхшы капкачысы булды. Илнең 16 төбәгеннән командалар көч сынашты, дип хәбәр итә Татарстан Спорт министрлыгы матбугат хезмәте.