Казанда DigitalSkills 2023 цифрлы технологияләр өлкәсендә V Тармак чемпионатына йомгак ясаkls
2023 елның 23 сентябрендә Казанда DigitalSkills 2023 цифрлы технологияләр өлкәсендә V Тармак чемпионатына йомгак ясадылар.
2023 елда чемпионатта Россия, Әзәрбәйҗан, Әрмәнстан, Бразилия, Беларусь, Гана, Һиндстан, Иран, Казахстан, Кытай, Кыргызстан, Малайзия, Көньяк Африка һәм Үзбәкстан кебек 14 илдән конкурсантлар катнашты. Чемпионат биремнәре нигезенә бергәләп эшләнгән технологик стандартлар, БРИКС һәм ЕАЭС илләренең алдынгы тәҗрибәләре кергән. 30 компетенция буенча җиңүчеләрне 3 зачетта билгеләделәр.
Беренчелекне ябу һәм ярышларда җиңүчеләрне бүләкләү тантанасында Татарстан Республикасы премьер-министры урынбасары - Татарстан Республикасы Министрлар Кабинеты аппараты җитәкчесе Шамил Гафаров, административ директор - һөнәр һәм күнекмәләрне үстерү агентлыгы аппараты җитәкчесе Данир Мөхәммәтҗанов, БРИКС Эшлекле советының күнекмәләрен һәм технологияләрен үстерү буенча эш төркеме рәисе доктор Лю Жэньинь катнашты.
Мәгълүмат һәм цифрлы технологияләр өлкәсендәге 30 компетенция буенча ярышларда барлыгы 300 дән артык кеше үз осталыкларын күрсәтте. Алар арасында кече, урта һәм эре бизнес предприятиеләре хезмәткәрләре һәм мәгариф учреждениеләре вәкилләре. Аларның чыгышларын 250дән артык эксперт бәяләде.
DigitalSkills цифрлы технологияләр өлкәсендә тармак чемпионаты Россия Федерациясе Президенты Владимир Путинның йөкләмәсен үтәү йөзеннән уздырыла һәм «Цифрлы икътисад өчен кадрлар» федераль проектын гамәлгә ашыруга юнәлдерелгән.