КФУ Бөтенроссия педагогия диктантына кушылды
Казан федераль университетының Филология һәм мәдәниятара багланышлар институтында «Педагогик диктант» Бөтенроссия акциясен уздыру мәйданчыгы оештырылды. Акция Россиянең бөек галиме Константин Ушинскийның тууына 200 ел тулуга, шулай ук Педагог һәм остаз елына багышланган.
Быел педагогик диктант темасы - "Киләчәкне билгели торган үткәннәрнең педагогик идеяләре". Проектны оештыручы белдерүенчә, Россия Федерациясе Мәгариф министрлыгының агарту инициативалары үзәге, регионнарда офлайн-мәйданчыкларда мәртәбәле кунак, мәгариф өлкәсендә белгеч, Россиядә фәнни педагогикага нигез салучы К.Д.Ушинский әсәрләреннән өзек укый. Аннары педагогик бурычлар игълан ителә, өстәмә материаллар бирелә, шуннан соң катнашучылар автор кулъязма текстын булдыруга керешәләр. Диктантта катнашучыларга сәламләү сүзе белән ИФМК директоры Рәдиф Җамалетдинов һәм Лев Толстой исемендәге Югары рус филология һәм мәдәният мәктәбе деканы Резеда Мөхәммәтшина чыкты.
Шунысын да билгеләп үтәргә кирәк, проектның максаты - илебез педагогикасы идеяләрен популярлаштыру. Диктант 100 дән артык офлайн-мәйданчыкта 89 төбәктә узды, бөтен Россиядән 100 меңнән артык катнашучы җыйды.
Казанда диктант экспертлары булып КФУның педагогика кафедрасы укытучылары, Казан укытучылары һәм башкалар чыгыш ясаячак. Җиңүчеләрне билгеләү һәм дипломнарны тапшыру 22 октябрьдә булачак.