Казан мәктәпләрендә 8,5 меңнән артык укытучы эшли

2023 елның 3 октябре, сишәмбе

5 октябрьдә бөтен Россия буенча Укытучылар көне билгеләп үтеләчәк. Бүген Казан мәктәпләрендә 8,5 меңнән артык педагог эшли, алар өчен бу үзенчәлекле бәйрәм, - дип хәбәр итте шәһәр мәгариф идарәсе башлыгы  Ирек Ризванов.

Яңа уку елы башланыр алдыннан Ирек Ризванов , соңгы 5 елда Казан мәктәпләренә 1,8 меңнән артык яшь укытучы килде дигән иде. Шәһәргә Татарстан районнарыннан һәм Россиянең башка төбәкләреннән дә педагоглар килә, соңгы  ике ел эчендә 13 педагог күченгән.