КФУ вәкилләре укучыларга, ничек галим булырга икәнлеге турында сөйләячәкләр
Казан федераль университеты һәм «Казан Кремле» Дәүләт тарих-архитектура һәм сәнгать музей-тыюлыгының «Ничек галим булырга» уртак проекты старт ала. Ул Россиядә педагог һәм остаз елына багышланган.
Проектның максаты - укучыларның фәнгә һәм тикшеренүләргә игътибарын җәлеп итү. Яшь буын өчен фәннең төрле юнәлешләре буенча мавыктыргыч лекцияләр циклы әзерләнгән . КФУның Яшь галимнәр ассоциациясе вәкилләре лекцияләр укыячак. «Наномир: материя тирәнлегенә сәяхәт» дигән беренче лекция 5 октябрьдә 16.00 сәгатьтә Казан Кремлендә узачак.
( 4 подъезд, 2 кат).
Аны КФУның Физика институтының квант электроникасы һәм радиоспектроскопиясе кафедрасы доценты, «Казанның иң яхшы яшь укытучысы - 2023» конкурсы финалисты Егор Алакшин укыячак.
Лекция нанотехнологияләр дөньясы һәм аның безнең тормышыбызга йогынтысы турында мавыктыргыч хикәя . Әңгәмә барышында укучылар нанотехнологияләр өлкәсендәге соңгы казанышлар, нанообъектларны тикшерү методлары турында беләләр, шулай ук наноструктуралар һәм наноҗайланмалар белән эшләүнең төп принциплары белән танышачаклар.
Чарага керү ирекле.