Казан башкарма комитеты: шәһәрнең яшьармиячеләренә экипировка җитми

2023 елның 12 октябре, пәнҗешәмбе

Бу хакта Казан башкарма комитеты җитәкчесе урынбасары Гүзәл Сәгыйтова IV чакырылыш Казан шәһәр думасының 25 нче сессиясендә хәбәр итте.

"Яшь армиячеләр  хәрәкәте үсешенә 8 млн сумнан артык акча бүлеп бирелде. Бу акчаларга махсус экипировка: 120 кышкы һәм 560 җәйге комплект сатып алынган. Әмма бу яшь армиячеләрнең гомуми санының 10% ын гына тәшкил итә, - диде Г.Сәгыйтова.

Докладчы билгеләп үткәнчә, хәрәкәттә катнашучылар күп кенә масштаблы чараларга актив җәлеп ителә, шул исәптән башка регионнарда да, ә форма искергән һәм аны яңартырга кирәк.