“Профессионалитет” көллиятләрендә ачык ишекләр көне узачак
21 октябрьдә Россиядә 79 субъектта «Профессионалитет» федераль проекты кластерларында ачык ишекләрнең бердәм көне узачак. Икътисадның 24 өстенлекле тармагы буенча студентларны өйрәтүче көллиятләр һәм техникумнар 33 меңнән артык укучы, аларның әти-әниләре һәм укытучылары өчен үз ишекләрен ачачак. Беренчел исәпләүләр буенча гына да, Бердәм ачык ишекләр көнен 500дән артык эш бирүче компанияләр уздырачак, алар үз мәйданчыкларына экскурсияләр оештырачак, ә педагоглар һәм җитештерү белеме осталары һөнәри үсеш траекторияләрен билгеләү өчен 330 һөнәри сынау үткәрәчәк.
Шулай ук, төбәк башкарма хакимият органнары, бизнес һәм мәгариф вәкилләре катнашында 300дән артык ата-аналар җыелышы үткәрү , һәр төбәкнең укыту программаларын һәм карьера мөмкинлекләрен тәкъдир итү планлаштырыла. Педагог һәм остаз елында остазлар ның һөнәри стандартын әзерләү алып барыла. Студентлар өчен предприятиеләрдә остазлар барлыкка киләчәк, алар беренче курстан ук балаларны озатып йөриячәк, аларга үз тәҗрибәләрен өйрәтәчәкләр.