Татарстанның җиде һәм Казанның бер районы укытучыларның документация йөкләнешен 2 мәртәбә киметте
Бу хакта республиканың мәгариф һәм фән министры урынбасары Рәмис Мөҗипов "Татар-информ" матбугат конференциясендә хәбәр итте.
"Документлар әйләнешен ике һәм аннан да күбрәк киметкән районнар бар. Без күрсәткечләрне 2022 елның сентябрь ае һәм 2023 елның сентябре белән чагыштырдык», - дип сөйләде спикер.
Мәсәлән, мәктәпләрдә хатлар җибәрү санын , Кукмара районында - 227 дән 121 гә кадәр, Яшел Үзән районында - 485 алып 299 га кадәр, Саба районында - 119-67, Теләче районында - 577 дән 378 кә кадәр, Югары Ослан районында - 263 тән 173 кә кадәр, Апас районында - 390-214, Нурлат районында - 782 алып 324 кә кадәр, Әлмәт районында - 273 тән 173 кә кадәр, Казан Совет районында - 255 тән 90 ка кадәр киметкәннәр . Мөҗипов сүзләренә караганда, Татарстан укытучыларның документлар йөкләнешен киметү буенча чаралар булган юл картасын эшләгән. Мәсәлән, республикада 2022-2023 елларда барлык юнәлешләр буенча төбәк контроль эшләрен гамәлдән чыгардылар.