Бөгелмәдә сәламәтлекләре чикләнгән балалар өчен гомуми белем бирү учреждениеләре директорлары семинары узды
16 октябрь көнне Бөгелмәнең 10 нчы мәктәбе базасында Татарстан Республикасы сәламәтлеге мөмкинлекләре чикләнгән балалар өчен дәүләт бюджет гомуми белем бирү учреждениеләре директорларының республика семинар-киңәшмәсе узды.
Чара сәламәтлек мөмкинлекләре чикләнгән укучыларны аерым гомуми белем бирү оешмалары инфраструктурасын яңарту юлы белән мәгарифкә ярдәм итүгә юнәлдерелгән «Хәзерге заман мәктәбе» федераль проекты кысаларында оештырылды. Семинар эшендә Татарстан Республикасы Мәгариф һәм фән министрлыгының гомуми белем бирү идарәсе башлыгы Татьяна Алексеева, Татарстан Республикасы Мәгариф һәм фән министрлыгының опека, попечительлек һәм педагогик ярдәм бүлегенең әйдәп баручы консультанты Илнур Газимҗанов, Бөгелмә районы башкарма комитетының мәгариф идарәсе башлыгы урынбасары Алсу Мөханова, мәгълүмат-методика бүлеге мөдире Татьяна Михайлова, шулай ук сәламәтлек мөмкинлекләре чикләнгән балалар өчен республика мәктәпләре директорлары катнашты.