Татарстан татар теле буенча тагын 32 дәреслекне федераль исемлеккә кертергә тәкъдим итте

2024 елның 11 апреле, пәнҗешәмбе

Поминов сүзләренчә, узган ел Россия Мәгариф министрлыгында татар теле һәм әдәбияты буенча яңа 26 дәреслек җибәрелгән. Алар экспертларның уңай нәтиҗәләрен алды һәм дәреслекләрнең федераль исемлегенә керделәр. Хәзерге вакытта мондый 86 дәреслек федераль исемлектә.

Спикер билгеләп үткәнчә, Татарстан мәктәпләрендә биш телдә - рус, татар, чуаш, удмурт һәм мари телләрендә белем бирү оештырылган. Моннан тыш, сигез тел - рус, татар, чуаш, удмурт, мари, мордва, башкорт һәм иврит уку предметы булып тора.

Моннан тыш, якшәмбе мәктәбенең 110 бүлегендә республикада яшәүче 25 халыкның телләре һәм мәдәнияте өйрәнелә. «Ел саен барлык юнәлешләр буенча мәктәпләргә беренче сыйныфтан 11 сыйныфка кадәр дәреслекләр җибәрелә», - дип ассызыклады Поминов.