Актаныш кадет интернат-мәктәбе укучылары Санкт-Петербург хәрби училищесында булдылар
Планлаштырылган маршрут буенча булачак чыгарылыш сыйныф укучылары шәһәрнең иң яхшы өч хәрби вузында булдылар.
Бу С.М. Киров исемендәге хәрби-медицина академиясе. Укучыларга илнең төп хәрби медицина югары уку йортының тарихы, академиянең күренекле укытучылары һәм атаклы чыгарылыш укучылары, Санкт-Петербург һәм бөтен Россия тормышында академиянең роле турында сөйләделәр.
Икенче уку йорты Михайлов хәрби артиллерия академиясе булды. Балалар академия музеенда булдылар. Академия территориясенә керү бары тик пропусклар буенча гына мөмкин, ә музейга экскурсияләрне, нигездә, курсантлар һәм мәртәбәле кунаклар өчен үткәрәләр. Әлеге музейда булганнан соң, алар бик күп файдалы һәм кызыклы нәрсәләр белделәр.
Сәяхәтенең өченче пункты С.М. Будённый исемендәге Хәрби элемтә академиясе булды.