«Заманча Россиянең технологик суверенитеты шартларында табигый-фәнни белем бирүне үстерү стратегияләре һәм тенденцияләре» Бөтенроссия фәнни-гамәли конференциясе
Конференциядә Татарстан Республикасы мәгариф һәм фән министры И.Г. Һадиуллин, Татарстан Республикасы Фәннәр академиясе президенты профессор Р.Н. Миңнеханов, КНИТУ ректоры Ю.М. Казаков, Россия Федерациясе Мәгариф министрлыгының Гомуми белем бирү өлкәсендә дәүләт сәясәте департаменты җитәкчесе урынбасары А.А. Тимофеева, Татарстан Республикасы гомуми белем бирү оешмалары җитәкчеләре һәм укытучылары, фәнни химия мәктәпләре вәкилләре катнашты.
Илсур Һадиуллин республикада табигый-фәнни белем бирү модельләрен үстерү турындагы чыгышында «Мәгариф» илкүләм проекты кысаларында «Үсеш ноктасы» табигый-фәнни һәм технологик юнәлешендә белем бирү үзәген төзү кысаларында инфраструктураны модернизацияләү эшен дәвам итү зарурлыгын, укучыларны профильле әзерләү юнәлешләрен камилләштерүне билгеләп үтте.
Үзенең уңышлы тәҗрибәләре белән КНИТУ уртаклашты. Ректор Юрий Казаков докладында югары уку йортының мәктәпләр белән хезмәттәшлеген көчәйтүгә, профильле сыйныфлар булдыруга, мәктәп лабораторияләрен җиһазландыруда ярдәм итүгә басым ясалды. "Химияне Рутубта өйрәнергә ярамый, - дип билгеләде Юрий Михайлович. - Без мәктәп укытучыларын эшкә җәлеп итәбез, мәктәп укучылары өчен чаралар һәм олимпиадалар үткәрәбез, ә химия кабинетларын заманча җиһазлау аркасында балаларда экспериментлар үткәрү, уку һәм тикшеренү проектларын тормышка ашыру мөмкинлеге барлыкка килә".