«Белем. Лектор» Бөтенроссия конкурсы финалистлары «Артек»та белемнәрен арттырачаклар
Командага сайлап алу «Белем.Лектор-2024» конкурсы кысаларында , «Мәктәп укучылары» номинациясендә узачак. Гаризаны 14 яшьтән 17 яшькә кадәрге укучылар проект сайтында 3 июньгә кадәр бирә алалар.
Балаларга халык алдында чыгыш ясау буенча өйрәтү курслары узарга, кыскача үз-үзеңне тәкъдир итү һәм казанышлар портфолиосы әзерләргә кирәк. 10 июльдән 20 июльгә кадәр бөтен ил буйлап мәктәп укучыларының экспертлар белән әңгәмәләре узачак.
175 финалист өчен укыту сменасы “Артек” Халыкара балалар үзәгендә быелның 25 сентябреннән 16 октябренә кадәр узачак һәм 40 җиңүчене бүләкләү тантанасы белән тәмамланачак.
25 июльдән 15 сентябрьгә кадәр «Мәктәп укучылары» номинациясе финалистлары шулай ук үз төбәкләрендә лекция үткәрә алачак. Сайлауга тугыз тематика керә : «Тарихи хәтер», «Мәдәният һәм сәнгать», «Фән һәм технологияләр», «Филология һәм лингвистика», «Медиа, коммуникация һәм цифрлы грамоталылык», «Юриспруденция», «География һәм туризм», «Спорт һәм ЗОЖ», «Экология».