Бөтенроссия этномәдәни сменасы “Крутушка. Балалар”
"Байтик" сәламәт-белем бирү комплексы Россиянең берничә төбәгеннән - Пенза, Ульяновск, Киров өлкәләреннән, Ханты-Манси автономияле округыннан - Юградан, Татарстан Республикасыннан һәм Башкортстаннан йөзләгән талантлы укучыны бер атнага үзенә җыйды. Бер сменада балалар дуслык һәм бердәмлек атмосферасында төрле халыкларның традицион мәдәниятен өйрәнделәр: җырладылар, биеделәр, актерлар осталыгына өйрәнделәр, рус мичендә тәмле ризыклар пешерделәр.
Пензадан этномузыкант Виктор Климов катнашучыларны төрле халыкларның күп кенә музыкаль инструментлары белән таныштырды.
Шулай ук балалар өчен этнохореография, вокал, һөнәрчелек дәресләре дә үткәрелде. Остазлар белән бергә бик күп халык уеннарын өйрәнгәннәр.
«Крутушка.Дети»ның киләсе сменасын 2024 елның 10 ноябреннән 16 ноябренә кадәр уздыру планлаштырыла.
VK төркеме: https://vk.com/krutushka.deti