Россиядә математика көне бәйрәм ителәчәк

2024 елның 13 мае, дүшәмбе

Россия Федерациясе Хөкүмәте Рәисе Михаил Мишустин карары буенча (хәзер - Россия Федерациясе Хөкүмәте Рәисе вазифаларын башкаручы) Россиядә яңа һөнәри бәйрәм - математика көне барлыкка киләчәк, ул кышын билгеләп үтеләчәк.

Бәйрәм 1 декабрьдә - 19 ел Казан университеты ректоры булган, танылган рус математигы Николай Лобачевскийның туган көнендә булачак дип көтелә. Мондый бәйрәмне үткәрү инициативасы белән РФ Хөкүмәтенә Мәскәү дәүләт университеты ректоры Виктор Садовничий мөрәҗәгать иткән.