Яр Чаллыда «Мәгариф: чынбарлык һәм перспективалар» Халыкара ачык педагогик форумы узачак
16 һәм 17 майда Чаллы дәүләт педагогика университетында Россия Федерациясе Мәгариф министрлыгы һәм Татарстан Республикасы Мәгариф һәм фән министрлыгы ярдәмендә «Мәгариф: чынбарлык һәм перспективалар» XII Халыкара ачык педагогика форумы узачак.
Чараның максаты - педагогик хезмәткәрләрнең һөнәри компетенцияләрен камилләштерү, илебез һәм чит ил педагогик коллективларының инновацион тәҗрибәсен гомумиләштерү мәсьәләләре буенча мәгариф өлкәсендә әйдәп баручы галимнәрнең һәм практикларның үзара хезмәттәшлеге.
Форум катнаш форматта Россиянең 33 төбәгеннән һәм 8 чит илдән, шул исәптән Беларусия, Казахстан, Үзбәкстан, Төркмәнстан, Алжир, Тунис, Кытай һәм Һиндстанны да кертеп, меңнән артык катнашучыны җыячак.
Традиция буенча форум төрле дәрәҗәдәге һәм масштабтагы чаралар: пленар утырышлар һәм панель сессияләр, конференцияләр һәм түгәрәк өстәлләр, профильле треклар һәм мастер-класслар үткәрү мәйданчыгы булачак.
17 майда Аяз Гыйләҗев исемендәге Чаллы татар дәүләт драма театры бинасында форумның пленар утырышы узачак. Биредә интерактив күргәзмә мәйданчыклары эшли, анда мәгариф өлкәсендәге инновацион эшләнмәләр һәм казанышлар белән танышу мөмкинлеге булачак.
Форумның икенче көнендә «Педагогик һәм классик университет белем бирү программалары кысаларында математика һәм чит телләр педагогларын әзерләүнең яңа тенденцияләре» темасы буенча ачык стратегик сессиясе утырышы узачак. Стратегик сессия кысаларында «Югары һәм урта һөнәри белем төше - белем бирү пространствосы бердәмлеген тәэмин итү инструментлары» семинар-интенсив уздырылачак.
Шулай ук Чаллы дәүләт педагогика университеты мәйданчыгында ата-аналар өчен «Ата-аналар» төбәкара форумын гамәлгә ашыру кысаларында төбәк семинар узачак. Университет мәйданчыгында көндезге һәм онлайн форматларда алар өчен төрле агарту чаралары узачак. Семинарны мәгърифәтчелек лекториясе ача, аның кысаларында балаларның цифрлы куркынычсызлык мәсьәләләре һәм кече мәктәп яшендәге баланы тәрбияләү үзенчәлекләре турында фикер алышу булачак.
Форумда дистанцион катнашу өчен пленар утырышны һәм секцияләрне трансляцияләү каралган. Ссылкалар югары уку йортының рәсми сайтында булачак: https://tatngpi.ru/ST.php
Элемтә өчен контактлар: Фәридә Сабирҗанова - җәмәгатьчелек белән элемтә буенча белгеч, тел.: 8 958 629 35 10