Рус телен укытучылар һәм яратучыларны Костомаров форумында катнашырга чакыралар
22 майдан 24 майга кадәр А.С. Пушкин исемендәге Рус теле дәүләт институтында Дүртенче Костомаров форумы узачак. Чара рус теле мәсьәләләре буенча эре халыкара эксперт мәйданчыгы булып тора. 2024 елда форумның төп темасы "Язык и стиль медиатекста" булачак.
Программага 30дан артык чара керәчәк, алар арасында панель дискуссияләр, түгәрәк өстәлләр, семинарлар, конференцияләр, сессия-презентацияләр, мастер-класслар, язучылар белән иҗади очрашулар, Пушкин институтының яңа проектларын һәм заманча тикшеренүләрен тәкъдир итү. Моннан тыш, мәйданчыкта 25 нче «Кирилло-Мефодиев укулары» узачак.
Форум кысаларында рус теле проблемаларына, аның Россия һәм чит ил иҗтимагый тормышында роле, шулай ук соңгы еллардагы технологик алгарышның яңа шартларында телне трансформацияләү мәсьәләсенә багышланган дискуссияләр планлаштырыла. Бөек рус шагыйренең тууына 225 ел тулу уңаеннан А.С. Пушкин иҗатына форумда аерым урын биреләчәк.
Төбәк һәм онлайн-форматта катнашуга әйдәп баручы галимнәр, методистлар, укытучылар һәм бөтен дөньядан рус телен яратучылар чакырыла. Гаризалар 20 майга кадәр кабул ителә.