«Зур үзгәрешләр» җиңүчеләре 1 млн сумлык сертификатлар алдылар
Казанда «Зур үзгәрешләр- 2024» фестиваленең гала-концерты узды. Конкурс финалында шәһәрнең 14 мәгариф учреждениесеннән 1-11 сыйныф укучылары катнашты, ә ул 10 мең укучыны берләштерде, дип хәбәр итә мэриянең матбугат хезмәте.
Җиңүчеләр булып Киров районының 15 нче гимназиясе һәм Вахитов районының 39 нчы мәктәбе танылды , аларга 1 млн сум күләмендә сертификатлар тапшырылды.
Кече төркемдә икенче урынны һәм 500 мең сум күләмендәге сертификатны 18 нче гимназия укучылары яулады, өченче урын һәм 350 мең сум - 84 нче мәктәпкә булды. Зур төркемдә икенче урынны 177 нче лицейның «Шатлык» вокаль-хореография ансамбле , өченче урынны 37 нче гимназиянең «Акцент» бию коллективы алды.
Шулай ук шәһәр башлыгы 200 мең һәм 100 мең сум күләмендә сертификатлар тапшырды.