Наил Мәһдиев Гали Акыш исемендәге 84 нче лицей-интернатта капиталь ремонт барышын тикшерде

2024 елның 15 мае, чәршәмбе

Гали Акыш исемендәге 84 нче Чаллы лицей-интернатында капиталь ремонт эшләре бара. Эш барышын шәһәр мэры Наил Мәһдиев тикшерде.

Эшләрне Татарстан Республикасы Дәүләт Советы депутаты Марсель Мингалимов җитәкли.

Хәзер "Твой Дом" компаниясе төзүчеләре 2 һәм 4 блокларында төзелеш-монтаж эшләрен тәмамлыйлар. Объектта 80 төзүче эшли.

Бинаның беренче блогында фасадны тышлау, тәрәзә һәм ишекләрне монтажлау, эчке эшләр дәвам итә. Шулай ук эчке инженерлык челтәрләрен төзекләндерү эшләре алып барыла, бу су белән тәэмин итү, су кертү, җылыту, вентиляция, электр белән тәэмин итү, җылыту челтәрләре. Өстәмә рәвештә керү урыны , мәктәп каршындагы мәйдан төзекләндереләчәк.