Яшел Үзән командалары "Мәктәп футбол лигасы" суперфиналында чыгыш ясаячак

2024 елның 15 мае, чәршәмбе

13 майда «Комсомолец» стадионында «Мәктәп футбол лигасы» зона ярышлары узды. Анда Яшел Үзән , Апас, Буа, Кама Тамагы, Тәтеш районнары һәм Иннополис шәһәренең муниципаль этаплары җиңүчеләре җыелды.

Турнирда 2010-11 һәм 2012-13 елгы малайлар һәм кызлар командалары катнашты. Барлык яшь төркемнәрендә Яшел Үзән спортчылары җиңү яулады.

Җиңүчеләр һәм призерлар кубоклар, футболчылар һәм команда тренерлары медальләр белән бүләкләнде. Һәр катнашучыга дипломнар тапшырылды.