ЮХИДИ Казан укучыларын Дәүләт автоинспекциясе тарихы һәм эше белән таныштырды
“Игътибар - балалар!” чарасы кысаларында Казанның ЮХИДИ хезмәткәрләре “Юл хәрәкәте иминлеге” ДБУ хезмәттәшләре һәм ветераннар белән берлектә җирле җәйге лагерьларның берсендә тәрбияләнүче балалар өчен танып-белү очрашуы үткәрделәр, дип хәбәр иттеләр ведомствода.
Аннары җәяүлеләр, пассажирлар, велосипедчылар һәм индивидуаль мобиль чараларны кулланучы затлар өчен юл хәрәкәте кагыйдәләре турында әңгәмәләр үткәрелде. Балалар автошәһәрчектә велосипедлар йөртүдә практика үттеләр, ЮХИДИ патруль машиналарын һәм мотоциклларын өйрәнделәр.
Заманча җиһазланган автокласста, балалар ДБИ хезмәткәрләре белән бергә, юл хәрәкәте кагыйдәләрен кабатладылар, мультфильмнар һәм видео карадылар.
Чара тәмамлангач, һәр балага бүләккә җәяүлеләрнең, шул исәптән балаларның, юлда иминлекләрен тәэмин итү өчен яктылык кайтаручы элементлар тапшырдылар.