«Биек тауларны яулар өчен көч тупларга»: Республика балалар клиник хастаханәсе табиблары 200 укучы өчен зарядка үткәрделәр

2024 елның 6 июне, пәнҗешәмбе

Республика балалар клиник хастаханәсе хезмәткәрләре Казанның 35 нче лицее укучылары өчен "Сәламәт яшәү рәвеше - бу модалы" акциясен үткәрде.

Алар мәктәп яны лагеренда тәрбияләнүчеләр өчен сәламәт яшәү рәвеше турында лекция уздырдылар. Республика балалар клиник хастаханәсенең сәламәтлек үзәге мөдире педиатр-эндокринолог Гүзәл Яруллина спортның файдасы, көн тәртибе һәм дөрес туклану турында сөйләде. Балалар интерактивта катнаштылар һәм сәламәтлек өчен нинди продуктлар файдалы, ә кайсылары зарарлы булуын билгеләделәр.

Лекция тәмамланганнан соң балалар үзләрен кызыксындырган сорауларны бирделәр һәм аннары урамга, саф һавага чыгып, балалар белән зарядка үткәрделәр. Флешмобта 200ләп бала катнашты.