Бүген Казанда "Киләчәкне формалаштырып" мәгариф министрлары форумының беренче көне старт ала
Бүген, 10 июньдә, Казанда "Киләчәкне формалаштырып" мәгариф министрларының II Халыкара форумы старт алачак, анда 100 дән артык чит ил кунагы катнашачак.
Төп мәйданчык Б.Рәмиев исемендәге ИТ-парк булачак. "Россия - дөнья" күргәзмә киңлеге оештырылачак, ул интерактив форматта безнең илнең дөнья казанышлары копилкасына керткән өлеше турында сөйли. РФ мәгариф министры Сергей Кравцов кунаклар белән экспозициядә булачак.
Шулай ук беренче көнне форумны ачу тантанасы һәм пленар утырыш узачак, аның нәтиҗәләре буенча килешүләр һәм меморандумнар имзаланачак.
Чит ил делегацияләре составында - БРИКС, БДБ, Азия, Африка һәм Латин Америкасы дәүләтләренең мәгариф һәм фән министрлары бар. Уртак эшнең нәтиҗәсе булып социаль, икътисадый һәм мәдәни өлкәләрдә кешелек җәмгыятенең алгарышына ярдәм итүче идеяләр торырга тиеш.