«Хезмәткә өйрәтү» программасында студентлар гына түгел, укучылар да катнаша алачак
Мәскәүдә «Хезмәткә өйрәтү» федераль программасын үстерү буенча Консорциум Советының беренче утырышы булды. Утырыш «Добро.Конференция» кысаларында «Россия» халыкара күргәзмә-форумында узды. Консорциум Советы әгъзалары проектны киңәйтү мәсьәләләре һәм 2023/24 уку елында «Хезмәткә өйрәтү» программасын гамәлгә ашыру нәтиҗәләре турында фикер алыштылар.
«Хезмәткә өйрәтү» федераль программасын үстерү буенча Консорциум Советы утырышында Россия Федерациясе Хөкүмәте Рәисе урынбасары Дмитрий Чернышенко катнашты.
«Хезмәткә өйрәтү» программасы Россиянең 65 төбәгендә гамәлгә ашырыла: ул 135 югары уку йортында һәм өч көллияттә гамәлгә кертелгән. Анда 50 меңнән артык студент эшли. Моннан тыш, аны мәгариф процессына кертү буенча методик тәкъдимнәр эшләнгән.
"Добро.РФ" платформасында 970 социаль заказ теркәлгән. Консорциумга 76 югары белем бирү оешмасы һәм ун федераль социаль партнер кушылды, алар арасында Интернетны үстерү институты, мәдәни инициативалар Президент фонды, "Машук" белем үзәге һәм башкалар.