RAEX версиясе буенча Татарстаннан өч университет Россиянең 100 топ вузына керде
Татарстанның өч югары уку йорты, Казан федераль университеты, Казан дәүләт медицина университеты һәм Казан милли тикшеренү технология университеты, 2023 ел нәтиҗәләре буенча RAEX ("РАЭКС-Аналитика") агентлыгы тарафыннан төзелгән топ-100 Россия югары уку йорты арасына керделәр.
Аерым алганда, КФУ 20 нче урында. Казан университеты белем бирү эшчәнлеге буенча 23 нче позициядә калды, чыгарылыш укучыларына ихтыяҗ буенча - 25 нче, ә менә фәнни-тикшеренү эшчәнлеге буенча - 12 нче урында.
Казан медицина университеты 44 нче булды. Белем бирү эшчәнлеге буенча әлеге югары уку йорты 46 нчы позициягә эләккән, чыгарылыш укучыларының ихтыяҗы буенча - 44 нче, ә фәнни-тикшеренү эшчәнлеге буенча - 74 нче позициядә.
КНИТУ-КХТИ рейтингта 74 нче урында урнашкан. Ул белем бирү эшчәнлеге буенча 68 нче нәтиҗә күрсәтте, чыгарылыш укучыларына ихтыяҗ буенча 105 һәм фәнни-тикшеренү эшчәнлеге буенча 52 нче.
Рейтингны әзерләгәндә RAEX белгечләре статистик күрсәткечләрне, шулай ук 130 меңнән артык респондент: академик һәм фәнни даирәләр вәкилләре, студентлар һәм чыгарылыш сыйныф укучылары, эш бирүчеләрдән сораштыру нәтиҗәләрен кулланган.