Татарстанда 4 мәктәп төзүгә 1,3 млрд сумнан артык акча тотылачак

2024 елның 21 июне, җомга

Казан, Яр Чаллы һәм Биектауда мәктәпләр төзүгә 1,3 млрд сумнан артык акча тотылачак. Белем бирү учреждениеләренең һәркайсы 1224 урынга исәпләнгән, дип аңлашыла дәүләт сатып алулары порталындагы документлардан.

Казанда объектлар М-14 микрорайонында һәм Родина урамында, Яр Чаллыда - 65 нче микрорайонда урнашкан. Өч объект буенча контрактларның бәясе бертөрле - 369 340 741 сум, Чаллыда эшләр 200 544 815 сумга төшәчәк.

Акчалар республика һәм федераль бюджетлардан бүленә, заказчы Татарстанның Баш инвестиция-төзелеш идарәсе.