Югары стипендия аркасында отличниклар саны 10%ка арткан
Бу хакта КФУ ректоры Ленар Сафин ТР Министрлар Кабинетында узган брифингта хәбәр итте.
Яңа уку елында КФУ талантлы яшьләргә ярдәм итү программасын дәвам итәчәк, дип өстәде Сафин. Шулай итеп, БДИда 100, 200 һәм 300 балл җыйган беренче курс укучыларына 100, 200 һәм 300 мең сум күләмендә бер тапкыр акча түләнәчәк.
КФУ ректоры сүзләренә караганда, матди ярдәм олимпиадачыларны да көтә. Аерым алганда, 300 мең сум акча мәктәп укучыларының бөтенроссия олимпиадасында җиңүчеләргә һәм кереш сынауларсыз вузга күчерелгән призерларга биреләчәк.
Быел университетка 15 749 беренче курс студенты кабул ителәчәк, шуларның 7 499 ы - бюджетка һәм 8 250 - контракт курсына. Бүген КФУга абитуриентлардан 10 меңнән артык гариза кергән.
Университетта яңа белем бирү программалары ачылачак. Аерым алганда, халыкара мөнәсәбәтләр институтында сәнгать һәм гуманитар фәннәр, сәнгать тарихы, ә Социаль-фәлсәфи фәннәр һәм массакүләм коммуникацияләр институтында ачык сәясәт белгечлеге барлыкка киләчәк.
Казан федераль университеты БРИКС саммиты аркасында булачак уку елының башлануын 1 сентябрьдән 1 ноябрьгә күчерде, бу хакта "Татар-информ" хәбәр итте.