Татарстанда югары уку йортларында максатчан уку өчен сорау арткан
Быел Татарстан югары уку йортларында максатчан укытуга сорау арткан. Югары уку йортлары эш бирүчеләр белән килешүләр төзү өчен абитуриентлардан гаризалар саны 2023 елга караганда күбрәк булачак, дип көтә. Бу хакта ТР Министрлар Кабинетында узган брифингта хәбәр ителде. Бу хакта ТР Министрлар Кабинетында узган брифингта хәбәр ителде.
“Предприятиеләр быел, былтыргы белән чагыштырганда, 50гә күбрәк гариза биргән, барлыгы 200 гә якын. Шуңа күрә “максатчан” санының артуын көтәбез”, - диде А.Н.Туполев исемендәге Казан милли тикшеренү техник университеты проректоры Роман Моисеев.
Аның сүзләренә караганда, быел уку йорты 3 меңгә якын бюджет урыны алган. "Бюджет урыннары бакалавриат программасы буенча күбрәк. Бу предприятиеләрнең таләпләре белән бәйле ", - дип билгеләде спикер.
Ул искәрткәнчә, узган ел абитуриентларда IT, җитештерүне оештыру һәм планлаштыру, лазер технологияләре һәм авиатөзелеш кебек юнәлешләргә ихтыяҗ зур булган.
Казан дәүләт энергетика университетында , быел бюджет урыннары 20%ка арткан һәм 2 092 тәшкил итә.
Казан дәүләт мәдәният һәм сәнгать институтының кабул итү комиссиясе җаваплы сәркатибе Юлия Соловьева вуз максатчан уку буенча гаризалар санының 10-12% ка артуын көтә, дип өстәде.
Казан дәүләт мәдәният һәм сәнгать институты яңа әзерлек юнәлешләрен ачты - цифрлы программалар эстрадасы режессурасы һәм рәсем укытучысы. Моннан тыш, цифрлы дизайн белән бәйле магистратура юнәлеше киңәя.
Казан дәүләт архитектура-төзелеш университеты ректоры Рәшит Низамов быел Россиянең техник вузлары арасында абитуриентлар өчен зур көндәшлек булачак, дип ышана.
Быел университет 1,5 мең беренче курс студенты кабул итәргә планлаштыра, шул исәптән 810 - бюджет урыннарына.
Идел буе дәүләт физик культура, спорт һәм туризм университеты ректоры Рафис Борһанов вузда ел саен абитуриентларны бюджет урыннарына кабул итү арта баруы турында сөйләде.
Казан дәүләт аграр университетында агросәнәгать биотехнологияләре, мәгълүмати системаларны проектлау һәм гамәлгә кертү, технологик процессларны автоматлаштыру һәм роботлаштыру белән бәйле белем бирү программалары барлыкка килгән. Бюджет урыннарына 849 кеше кабул итү планлаштырыла, түләүле укытуга - 942, дип хәбәр итте югары уку йорты проректоры Андрей Дмитриев.
Аның сүзләренә караганда, көндезге укуга 101 "максатчан укучы " кабул ителәчәк, читтән торып - 51 кеше.