Иң мөһиме - тәҗрибә: Түбән Кама мәктәпләрендә яңа профильле сыйныфлар барлыкка киләчәк
Түбән Кама мәктәпләрендә яңа профильле сыйныфлар барлыкка киләчәк. Алдагы көндә "Промхимтех" алдынгы инженерлык мәктәбе, Түбән Кама химия-технология институты һәм мәктәпләр арасында өч яклы килешү имзаланды.
Инициатива яшьләрне сәнәгать предприятиеләрдә яшьтән үк уңышлы карьерага әзерләүгә юнәлтелгән. Программа кысаларында мәктәп укучыларын «Промхимтех» лабораторияләре базасында профессионаллар укытачак. Бу яшьләр алдында киң мөмкинлекләр ача: конкурсларда, олимпиадаларда, профильле сменаларда катнашу, ә иң мөһиме - үз эшенең профессионаллары белән практика. Мәгариф һәм фән идарәсе җитәкчесе Айдар Гарифуллин шәһәрнең белем потенциалын үстерү өчен проектның мөһимлеген ассызыклады. Якын арада класслар формалашачак һәм факультативлар форматында белем алу башланачак.