Татарстанның судентлар отрядлары 3 меңнән артык кешене эшкә өйрәткән
Татарстанда Россия студентлар отрядларында катнашучыларны эшче белгечлекләре буенча һөнәри укытуның язгы этабы узды. Анда 3 меңнән артык кеше укыды.
“ 2 500 студент 60 һөнәр буенча өстәмә белгечлек алды. Тагын 600 кеше "Вожатый" һәм "Пассажир вагоны проводнигы" белгечлекләре буенча укыды, - дип билгеләп үтелә хәбәрдә.
Яшьләрне барыннан да бигрәк электромонтер, электромонтажчы, эретеп ябыштыручы, слесарь, ПО станоклар операторы, тракторчы-машинист, авыл хуҗалыгы машиналарын һәм тракторларын көйләүче, официант, пешекче, бетончы, арматурщик, официант һәм вожатыйлар һөнәре кызыксындыра.
Татарстан программаны гамәлгә ашыру буенча алдынгы төбәкләрнең берсе: 2021 елдан башлап республикада 6 913 кеше белем алды.
Быел Татарстанда Бөтенроссия, төбәкара һәм республика дәрәҗәсендәге 10 хезмәт проекты эшли башлаячак. Эшләргә РФнең 30 субъектыннан, Беларуссиядән һәм Кыргызстаннан 4,2 меңнән артык кеше киләчәк.