Чернышенко: Мәктәпне тәмамлаучылар илкүләм проект кысаларында эшче белгечлеге алырга мөмкин
Бу хакта чыгарылыш укучыларына РФ вице-премьеры Дмитрий Чернышенко үзенең котлавында искә төшерде, дип хәбәр итә илебезнең Хөкүмәт матбугат хезмәте.
Чыгарылыш укучылары белән очрашуда Чернышенко быел мәктәпләрне 2,3 млн дан артык тугыз һәм унберенче сыйныф укучыларын тәмамлаганын әйтте.
Россиянең фәнни-технологик үсешенең өстенлекле юнәлешләре энергетика, медицина, авыл хуҗалыгы, мәгълүмати куркынычсызлык, климат, транспорт, элемтә, мәгариф белән бәйле, дип санап үтте ул.
“Профессионалитет” федераль проекты турында сөйләгәндә, Россия Федерациясе Хөкүмәте Рәисе урынбасары, аерым алганда, анда катнашучы көллият студентлары эш бирүчеләр белән берлектә төзелгән укыту программалары уза, җитештерүдә эш тәҗрибәсе һәм Россиянең әйдәп баручы тармак компанияләренә эшкә урнашуда ярдәм итә, дип билгеләп үтте.
Программа укучыларга машина төзелешендә, авыл хуҗалыгында, металлургиядә, җиңел һәм ягулык-энергетика сәнәгатендә, химия, атом, фармацевтика, электр техникасы тармакларында, мәгълүмат технологияләрендә һәм башкаларда үз күнекмәләрен камилләштерергә мөмкинлек бирә.