Көз көне Казанда «Kazan Digital Week - 2024» халыкара форумы узачак

2024 елның 1 июле, дүшәмбе

2024 елның 9 - 11 сентябрендә Казанда Kazan Digital Week халыкара форумы узачак.Чара «Казан Экспо» Халыкара күргәзмә үзәгендә онлайн-форматта узачак.

Оештыручылар: Россия Федерациясе Цифрлы үсеш, элемтә һәм массакүләм коммуникацияләр министрлыгы һәм Татарстан Республикасы Хөкүмәте.

Форумда катнашучылар - цифрлы технологияләр, программа белән тәэмин итү, югары технологияле продукция җитештерүчеләр һәм кулланучылар. Катнашучыларны теркәү рәсми сайтта уза. Шунда ук катнашуның мөмкин булган пакетлары турында мәгълүмат бастырылган.