1 июльдә ясалма интеллект буенча Бөтенроссия олимпиадасының күнегүләр этабы башланды
8-11 нче сыйныф укучылары Россия Мәгариф министрлыгы ярдәмендә үткәрелә торган Бөтенроссия олимпиадасының тренировка этабында катнаша ала. Тренировка этабы 1 июльдә старт ала һәм 9 сентябрьгә кадәр дәвам итәчәк.
Күнегүләр этабында катнашучыларга узган еллардагы олимпиада бурычларына нигезләнгән биремнәр тәкъдим ителәчәк. Олимпиаданың рәсми сайтында биремнәрне чишү юлларын тикшергән методик материаллар, шулай ук укыту чараларының видеоязмалары урнаштырылган.
Олимпиаданың төп ярышларында катнашучыларны теркәү 9 сентябрьдән башлана һәм 6 октябрьдә тәмамланачак. Сайлап алу этабы 1-6 октябрьдә, төп этап - 16-19 октябрьдә узачак. Йомгаклау этабы 11-15 ноябрьгә билгеләнгән, шул исәптән апелляция дә. Ясалма интеллект буенча Бөтенроссия олимпиадасында җиңүчеләрнең һәм призерларның исемнәре 2024 елның 16 ноябрендә бүләкләү тантанасында игълан ителәчәк.