2024 елгы БДИ кампаниясенә беренчел йомгак ясалды
Быел БДИның төп чорында барлыгы 665 меңнән артык кеше катнашкан, нигездә, быелгы чыгарылыш укучылары. Имтихан Россия Федерациясенең барлык субъектларында һәм 53 чит илдә имтиханнар (ППЭ) уздыру пунктларында үткәрелде.
Россия Федерациясендә БДИ үткәрү өчен 6800 гә якын ППЭ эшләгән. Имтихан үткәрүндә 316 меңнән артык ППЭ хезмәткәре, 7000гә якын медицина хезмәткәре катнашкан. Тулаем алганда, имтихан кампаниясе штатлы узган.
Быел БДИда төп яңалык - чыгарылыш сыйныф укучылары өчен үзләре сайлаган бер предметны яңадан бирү мөмкинлеге. РФ Президенты Владимир Путин Федераль Җыенга Юлламасында шундый мөмкинлек бирү инициативасы белән чыккан иде. Барлыгы бу мөмкинлектән 113,5 меңгә якын чыгарылыш укучысы файдаланган.
Имтиханнар нәтиҗәләрен шәрехләп, Рособрнадзор башлыгы табигый-фәнни цикл (профильле математика, физика, химия, биология һәм география) фәннәре буенча нәтиҗәләрнең үсешен билгеләп үтте.
Чыгарылыш сыйныф укучылары җәмгыять белеме, инглиз теле, тарих, әдәбият һәм база математикасы буенча стабильлекне күрсәттеләр. Рус теле буенча нәтиҗәләр аз гына кимегән. Шулай ук информатиканы тапшырырга теләүчеләр саны арткан
Барлык фәннәр буенча нәтиҗәләрне Федераль педагогик үлчәүләр институты директоры Оксана Решетникова шәрехләде.
Быел 8691 катнашучы БДИда 100 баллы нәтиҗә алды, 648 кеше - ике предмет буенча 100 балл, 42 - өч предмет буенча һәм Мәскәүдән бер чыгарылыш сыйныф укучысы дүрт фән буенча югары балл алган.
БДИ уздырган вакытта 2024 елда дүрт төбәктә (ЛХР, Курск һәм Белгород өлкәләрендә, Севастопольдә) имтихан үткәрү һава тревогасы аркасында өзелгән, 12 очракта.
Төп чорда 768 катнашучы (2023 елда - 969 катнашучы) имтиханнар үткәрү тәртибен бозган өчен имтиханнан чыгарылган. Төп сәбәпләре - мобиль телефоннар һәм шпаргалкалар куллану.