Россия Федерациясендә түләүле мәгариф хезмәтләре буенча кайнар линия ачтылар

2024 елның 11 июле, пәнҗешәмбе

Роспотребнадзор 8 июльдән 19 июльгә кадәр түләүле мәгариф хезмәтләре күрсәткәндә кулланучылар хокукларын яклау мәсьәләләренә багышланган кайнар линия ача.

Күзәтчелек ведомствосында билгеләп үткәнчә, кайнар линиягә шалтыратучылар белем бирү хезмәтләрен бозу яки сыйфатсыз хезмәт күрсәтү очрагында компенсация механизмнары турында, шулай ук мәгариф учреждениеләреннән хезмәткә документлар имзалау алдыннан соратып алырга кирәк булган документлар турында сораулар бирә алачак.