Камал театрның сәхнә арты һәм сценограф белән очрашу: Казан яшүсмерләре өчен җәйге музей практикасы үткәреләчәк
Казанда 15 июльдән 26 июльгә кадәр җәйге музей практикасы узачак. Анда тарих, аны өйрәнү һәм саклау ысуллары кызыксындырган 12 яшьтән зуррак яшүсмерләр катнаша ала.
Эш көннәрендә балалар шәһәр музейларына барачак, ТР Милли музее фондлары һәм Галиәсгар Камал исемендәге театр сәхнәсе белән танышачак. Яшүсмерләр өчен сценограф һәм журналист белән очрашулар, актерлар һәм ораторлык осталыгы буенча мастер-класслар оештырыла.
Катнашу өчен, үзең , гаиләң турында һәм практикумнан нәрсә көтүең турында ике минутлык видео яздырырга кирәк булачак. Файлны сылтама буенча җибәрергә мөмкин. Теркәлү 18:00 11 июльгә кадәр дәвам итәчәк.
Практикум кысаларындагы барлык чаралар - бушлай. Тулы программа белән сайтта танышырга мөмкин, дип хәбәр итә ТР Милли музее матбугат хезмәте.