ТР дзюдо федерациясе вәкилләре Н.А.Галләмов исемендәге республика махсус мәктәбендә кунакта булды

2024 елның 11 июле, пәнҗешәмбе

Узган ялларда Татарстан Республикасы дзюдо федерациясе патронажы астында Н.А. Галләмов исемендәге махсус гомуми белем бирү мәктәбе тәрбияләнүчеләре өчен ачык һавада дәрес үткәрелде.

Федерация мәктәпкә шефлык итә, ә укучылар мәктәп директоры, Россиянең дзюдо һәм самбо буенча спорт мастеры Дмитрий Юрьевич Кладов җитәкчелегендә көрәш белән шөгыльләнә.

Дзюдо буенча ярышлар федерация вице-президенты Раил Шамил улы Моратшин һәм полиция хезмәткәрләре арасында халыкара класслы спорт мастеры Наталья Юрьевна Моратшина катнашында узды.

Визит өчен рәхмәт әйтеп, балалар аларга үз куллары белән ясаган сувенирлар,чәчәкләр тапшырдылар.