КФУ вәкиле Идел буе студентлары лидеры булды
Казанда «Идел буе федераль округы студент лидеры - 2024» Бөтенроссия конкурсының округ этабы узды. Җиңүче КФУ журналистика һәм массакүләм коммуникацияләр югары мәктәбенең профсоюз оешмасы рәисе Арина Евдокимова булды. Бу хакта югары уку йортының медиапорталы хәбәр итә.
Округ этабында җиңү өчен Идел буе федераль округының 12 төбәгеннән конкурсантлар көрәште. Алар сигез төрле сынау уздылар.
Конкурс программасыннан тыш, катнашучылар өчен белем бирү мастер-класслары сериясе дә оештырылды. Аларга студентларны стипендия белән тәэмин итү, грант заявкаларын рәсмиләштерү турында сөйләделәр һәм профсоюз эшчәнлеге кысаларында кирәк булырга мөмкин булган башка сорауларга җаваплар бирделәр.
Конкурста катнашучыларга дипломнар һәм кыйммәтле бүләкләр тапшырдылар, ә җиңүче округны "Студентлар лидеры - 2024" финалында Мәскәү өлкәсендә тәкъдим итәчәк.