Көектә "Алгоритм" лицееның янкормасын 1 сентябрьгә тапшырачаклар
Питрәч районының Көек авылында "Алгоритм" лицеена янкорманы 1 сентябрьгә тапшырылачак. Өстәмә корпус 4 каттан тора һәм башлангыч мәктәп өчен 618 урынга исәпләнгән. Объектның әзерлеге 85% тәшкил итә. Төзелеш эшләрен район җитәкчесе Рәис Сөләйманов тикшерде.
“Татар-информ”га район матбугат хезмәтендә сөйләүләренчә, янкорма бина кебек үк архитектура стилендә башкарылган. Өстәмә корпуста азык-төлек блогы, интерактив зал, уку кабинетлары, психолог кабинетлары һәм башка бик күп нәрсәләр булачак.
Мәгариф учреждениесе директоры Лариса Глибина сүзләренә караганда, бүгенге көндә мәктәптә беренче сыйныф укучылары 11 класс, ә бу 400дән артык бала. "Гаризалар тагын килә. Без бу җирлектә яшәүчеләрнең барысын да кабул итәбез. Педагогик кадрлар ихтыяҗы башлангыч мәктәп өчен хәл ителде - барлык сыйныфлар да укытучылар белән тәэмин ителде», - дип билгеләп үтте учреждение җитәкчесе.
Объект «Мәгариф» илкүләм проекты буенча төзелә. Финанслау 519 млн сум тәшкил итәчәк.