Татарстанлыларны веб-дизайн буенча бушлай мәктәпнең икенче агымына чакыралар
МТС, цифрлы экосистема, "Поколение М" онлайн-платформасында веб-дизайн буенча мәктәпнең икенче агымы эшли башлый. Түләүсез программа башлангыч , алдынгы белемле укучыларга һәм студентларга исәпләнгән һәм веб-сайтлар, уникаль кулланучылар интерфейслары булдыру буенча дәресләрне, дизайн һәм прототиплаштыру өчен инструментлар белән эшләүне үз эченә ала. Курс МТС ИТ-командасыннан конкурс биреме белән тәмамлана, аның нәтиҗәләре буенча иң яхшы "студентларны" МТСка стажировкага чакырачаклар.
Белем бирү программасының һәр катнашучысы үзенә кирәкле курсның катлаулылыгы дәрәҗәсен сайларга мөмкин: яңа башлаучы кешеме яки тәҗрибәле дизайнермы. База программасында мәктәп укучылары һәм студентлар веб-дизайнер һөнәре нигезенә өйрәнәләр, бриф, ресерч һәм сторителлинг ни өчен кирәк икәнен беләләр, Tilda һәм Figma төп программалары белән танышалар.