Татарстанда быел 1 сентябрьгә «Мәгариф» илкүләм проекты буенча 8 яңа мәктәп ачылачак
Татарстан Республикасы Мәгариф һәм фән министрлыгында республикада 8 590 урынлык 8 яңа мәктәп төзү турында хәбәр иттеләр, алар 2024 елның 1 сентябреннән эшли башлаячак.
Моннан тыш, гамәлдәге мәктәпләргә 1 245 урынлык өстәмә өч корпус төзү планлаштырыла. Шулай ук, ел ахырына кадәр 375 урынлык тагын бер мәктәпкә өстәмә 1 корпус ачу күздә тотыла.
Югарыда әйтелгәннәрдән тыш, 2024 елда Татарстан Республикасы бюджетыннан 2 200 урынга исәпләнгән 10 мәктәпкәчә белем бирү оешмасы төзү каралган.
Уку елы башына шулай ук 1 560 урынлык җиде балалар бакчасы ачу планлаштырыла, ә ел ахырына тагын 560 урынлы ике балалар бакчасы ачылачак. Шулай ук 2025 елга кадәр Апас торак пунктында 80 урынга исәпләнгән балалар бакчасы төзелешен тәмамлау планлаштырыла. Объектта эшләр җитештерү графиклары нигезендә башкарыла.