Татарстанның мәктәп урманчылыклары слетына өч төбәктән 200 бала җыелды

2024 елның 26 июле, җомга

Татарстанның Кукмара районында, Лубян урман-техника көллияте базасында, “Урман һәм инновацияләр” ТР мәктәп урманчылыкларының VII Слеты ачылды. Бу хакта республиканың Урман хуҗалыгы министрлыгы матбугат хезмәте хәбәр итә.

Быел 31 команда иң көчле исеме өчен көрәшәчәк, моннан тыш, слетта Марий Эл һәм Чувашиядән мәктәп урманчылыклары әгъзалары да катнаша. Чарада 200 кеше катнаша.

Беренче көнне балалар урман хуҗалыгы өлкәсендә белемнәрен, шулай ук «Лесная цифровая викторина». интеллектуаль уены вакытында эрудиция, логика һәм тапкырлыкны күрсәттеләр.

Шулай ук Гаилә елына һәм Фәнни-технологик үсеш елына багышланган музыкаль-күңел ачу программасы да оештырылды. Катнашучылар төрле җырлар, төрле халыклар биюләрен башкардылар һәм шигырьләр укыдылар.