Татарстанда махсус хәрби операциядә катнашучыларның балаларына ярдәм итәчәкләр - КФУ аларны укыту өчен түлиячәк
Казан федераль университеты махсус хәрби операциядә катнашучыларның балаларын укыту өчен түләүне үз өстенә ала. КФУ ректораты гражданнарның әлеге категориясенә ярдәм итү турында карар кабул итте. Инициатива дәүләт өстенлекләре белән аңлатыла, Татарстан Республикасы җитәкчелеге тарафыннан хуплана.
Шулай итеп, КФУ Уставы нигезендә 2024/2025 уку елында Украинаның Донецк, Луганск Халык Республикалары, Запорожье һәм Херсон өлкәләре территорияләрендә махсус хәрби операциядә катнашучы яки катнашкан затларның балаларына түләүле белем бирү хезмәтләренең бәясен 100 процентка киметү турында карар кабул ителде.
Сүз КФУда (филиалларны да кертеп) беренче тапкыр югары белем алучы көндезге һәм көндезге-читтән торып уку формаларында белем алучы гражданнарның бу категориясенә (бакалавриат яки специалитет) ярдәм итү турында бара.
Казан университеты билгеләгән махсус хәрби операциядә катнашучыларның балалары өчен түләүле мәгариф хезмәтләренең бәясен киметү чаралары Татарстан Республикасы җитәкчелеге белән килештереп расланды һәм шәхсән ТР Рәисе Рөстәм Миңнеханов тарафыннан хупланды.