Дәүләт Думасы югары уку йортлары һәм көллият педагогларына бюрократик йөкләнешне киметү турындагы закон проектын хуплады

2024 елның 5 августы, дүшәмбе

Дәүләт Думасы сишәмбе көнне үткән пленар утырышта мәгариф өлкәсендә бюрократик йөкләнешне киметү буенча Рособрнадзор координацияләгән эш кысаларында әзерләнгән закон проектын өченче укылышта кабул итте. Үзгәрешләр «Россия Федерациясендә мәгариф турында» Федераль законның 29 һәм 47 статьяларына кертелә.

Элегрәк РФ Мәгариф һәм фән министрлыгына төп гомуми белем бирү программаларын гамәлгә ашырганда укытучы әзерләргә тиешле документлар исемлеген раслау вәкаләтләре бирелгән иде инде. Әлеге исемлектән тыш беркем дә укытучылардан башка документларны алып баруны таләп итәргә хокуклы түгел. Кабул ителгән Федераль закон урта һөнәри һәм югары белем бирү педагогларына әзерләнгән документация санын киметү буенча уңай тәҗрибәне таратырга тиеш.